"Napoli" bosh murabbiyi Luchano Spaletti klub rahbariyatidan himoyachi Kalidu Kulibalini sotmaslikni so‘radi. Murabbiy futbolchi bilan shartnoma uzaytirilishini istamoqda.
Gazzetta dello Sport nashri xabariga ko‘ra, 30 yoshli himoyachi yaqinda "Barselona"ga o‘tishi mumkinligi haqida xabarlar tarqalgan edi, ammo Spalletti futbolchining ketishiga qarshi chiqdi.
Biroq, Kulibalining amaldagi shartnomasi kelasi yili tugaydi va futbolchining o‘zi ham shartnomani uzaytirish niyatida emas. Yaqinlashib kelayotgan yozgi transfer oynasi "Napoli" uchun futbolchini sotish borasidagi so‘nggi imkoniyat bo‘lishi mumkin.
Joriy mavsumda futbolchi A Seriyada 26 ta o‘yinda maydonga tushib, 3 ta gol urdi va 2 ta golli uzatmani amalga oshirdi.
