"Наполи" бош мураббийи Лучано Спалетти клуб раҳбариятидан ҳимоячи Калиду Кулибалини сотмасликни сўради. Мураббий футболчи билан шартнома узайтирилишини истамоқда.
Gazzetta dello Sport нашри хабарига кўра, 30 ёшли ҳимоячи яқинда "Барселона"га ўтиши мумкинлиги ҳақида хабарлар тарқалган эди, аммо Спаллетти футболчининг кетишига қарши чиқди.
Бироқ, Кулибалининг амалдаги шартномаси келаси йили тугайди ва футболчининг ўзи ҳам шартномани узайтириш ниятида эмас. Яқинлашиб келаётган ёзги трансфер ойнаси "Наполи" учун футболчини сотиш борасидаги сўнгги имконият бўлиши мумкин.
Жорий мавсумда футболчи А Серияда 26 та ўйинда майдонга тушиб, 3 та гол урди ва 2 та голли узатмани амалга оширди.
