“Shtutgart” hujumchisi Sasha Kalayjich “Bavariya”dan unga bo‘lgan qiziqish haqidagi ma’lumotga izoh berdi.
“Yaqin kunlarda men "Shtutgart" va maslahatchim Sasha Empaxer bilan muzokaralar olib boraman. Myunxendan ham, boshqa klublardan ham aniq takliflar yo‘q.
Bu mavsumda men muntazam asosiy o‘yinchi bo‘lmaganman: yelkadagi jarrohlik amaliyoti, mushak muammolari, koronavirus – bu faoliyatimdagi eng qiyin mavsum bo‘ldi. Biz quyi ligaga tushib ketmaslikka muvaffaq bo‘lganimizdan xursandman", - dedi futbolchi.
Oldinroq "Bavariya" Kalayjichni sotib olish variantini ko‘rib chiqayotgani xabar qilingandi.
