Rossiya terma jamoasi yarim himoyachisi Denis Cherishev Ispaniyaning “Valensiya” klubini tark etadi. AS narshining tarqatgan ma’lumotiga qaraganda, 31 yoshli futbolchi jamoaning kechki ovqat paytida jamoadoshlari bilan xayrlashgan.
Rossiyalik futbolchining “ko‘rshapalaklar” bilan shartnomasi iyun oyi oxirida tugaydi. Shu tariqa Cherishev yangi jamoasiga tekinga ko‘chib o‘tadi.
Denis "Real" akademiyasini tamomlagan. U butun faoliyatini Ispaniya chempionatida o‘tkazdi.
La Liganing 2021/2022 yilgi mavsumida yarim himoyachi 16 o‘yinda maydonga tushib, bitta golli uzatmani amalga oshirgan.
