Россия терма жамоаси ярим ҳимоячиси Денис Черишев Испаниянинг “Валенсия” клубини тарк этади. AS наршининг тарқатган маълумотига қараганда, 31 ёшли футболчи жамоанинг кечки овқат пайтида жамоадошлари билан хайрлашган.
Россиялик футболчининг “кўршапалаклар” билан шартномаси июнь ойи охирида тугайди. Шу тариқа Черишев янги жамоасига текинга кўчиб ўтади.
Денис "Реал" академиясини тамомлаган. У бутун фаолиятини Испания чемпионатида ўтказди.
Ла Лиганинг 2021/2022 йилги мавсумида ярим ҳимоячи 16 ўйинда майдонга тушиб, битта голли узатмани амалга оширган.
