"Roma" bosh murabbiyi Joze Mourinyo Rim klubini kuchaytirish uchun APLdan bir nechta variant topdi. La Gazzetta dello Sport xabariga ko‘ra, portugaliyalik "Manchester Yunayted"ning uch nafar futbolchisi yozda rimliklar safiga taklif qilmoqchi. Gap yozda mankunianliklar bilan shartnomasi tugaydigan Diogo Dalot, Erik Bayi va Nemanya Matich haqida ketmoqda.

Shuningdek, Mourinyo "Aston Villa" yarim himoyachisi Duglas Luisni klubga olib kelishni istamoqda, biroq braziliyalik futbolchining transferi amalga oshishi qiyin, chunki "Manchester Siti" va "Arsenal" kabi top klublar ham Luisga xaridor bo‘lib turibdi. 

Eslatib o‘tamiz, o‘tgan yili Mourinyo hujumchi Temmi Abraxamni "Roma"ga taklif qilgandi, buning uchun "bo‘rilar" "Chelsi"ga 40 million yevro to‘lagandi.