"Tottenxem" bosh murabbiyi Antonio Konte klub bilan Angliya chempionatining kuchli to‘rtligidan joy olsa, yaxshigina bonus olishi mumkin.
The Times xabariga ko‘ra, bonus miqdori 3 million yevro atrofida bo‘ladi. Premyer-liganing so‘nggi turi oldidan "Tottenxem" "Arsenal"dan ikki ochkoga oldinda bormoqda va oxirgi o‘yinda "shporlar" "Norvich" bilan durang o‘ynashsa, YECHL yo‘llanmasini naqd qiladi.
Shuningdek, London klubi rahbariyati yozgi transfer bozorida sezilarli mablag‘ sarflab, tarkibni mustahkamlash niyatida ekani haqida avvalroq xabar berilgan edi.
Antonio Konte “Tottenxem”ni 2021-yil oxirida, jamoa to‘qqizinchi o‘rinda turgan paytda qabul qilib oldi va mavsum yakuniga ko‘ra ularni Premyer-ligada to‘rtinchi o‘ringa olib chiqdi.
