Superliganing 9-turidan o‘rin olgan «Qo‘qon-1912» va «Paxtakor» jamoalari o‘rtasidagi o‘yin yakuniga yetdi.

Bahsning 2-daqiqasidayoq hakam toshkentliklar darvozasiga penalti belgiladi. Ammo qo‘qonliklarning doimiyi penaltichisi hisoblangan Murod Xolmuhammedov 11 metrli jarima zarbasini golga aylantira olmadi. Uning zarbasini «Paxtakor» posboni Eldorbek Suyunov qaytarishga muvaffaq bo‘ldi.

Shundan so‘ng ustunlik paxtakorchilar tomonida bo‘ldi. Ular 86-daqiqada hisobni ochishga muvaffaq bo‘lishdi. Cheran 18 metrlardan aniq zarba bilan darvozani ishg‘ol qildi.

O‘yindagi to‘xtalishlar uchun hakam 8 daqiqa qo‘shib berdi. Bu vaqt davomida to‘pni "Paxtakor" o‘z nazoratida ushlab turdi. Ammo 8-daqiqada Larin o‘z jarima maydoni ichida xatoga yo‘l qo‘yib, Yosovichni yiqitdi. HakamReferi Rustam Lutfullin ikkilanib o‘tirmasdan penalti belgiladi. Ivanning o‘zi undan samarali foydalanib, hisobni tenglashtirdi.

Mazkur penalti "Paxtakor" futbolchilaridan keskin norozilikni keltirib chiqardi. Hakamni haqorat qilgan Eldor Suyunov esa penaltidan so‘ng maydondan chetlatildi.

Shu tariqa, Voyneski jamoasi Superligada ketma-ket 4ta o‘yindan buyon durang qayd etmoqda. Jamoa 14 ochko bilan 6-o‘rinda bormoqda. "Qo‘qon-1912" esa o‘z ochkolari 10taga yetkazib oldi.

Superliga, 9-tur
"Qo‘qon-1912" - "Paxtakor" - 1:1 (0:1)
Gollar: Ivan Yosovich (90+9-penalti) — Dragan Cheran (86)
Noaniq penalti: Murod Xolmuhammedov (2, darvozabon)
Chetlatish: Eldor Suyunov (90+9)
"Qo‘qon-1912": I.Abdullayev, Lukich, Shixov, Sidiqov, Meliyev, Rustamov, Ro‘ziyev, Merzlyakov, Yosovich, Toshmirzayev, Xolmuhammedov.
Zaxira: M.Abdullayev, Vahobov, Rahmatullayev, Hasanov, Azimov, Mamatxo‘jayev, Nurmatov, Komilov, Hojimirzayev.
"Paxtakor": Suyunov, Alijonov, Larin, Xadjiyev, Sayfiyev, Hamrobekov, Fayzullayev, Sobirxo‘jayev, Turg‘unboyev, Erkinov, Sharkich.
Zaxira: Quvvatov, Cheran, Rashidov, Roziyev, Xolmatov, Yoqubov, Asqarov, Ergashboyev, Mirahmadov.