Суперлиганинг 9-туридан ўрин олган «Қўқон-1912» ва «Пахтакор» жамоалари ўртасидаги ўйин якунига етди.

Баҳснинг 2-дақиқасидаёқ ҳакам тошкентликлар дарвозасига пенальти белгилади. Аммо қўқонликларнинг доимийи пенальтичиси ҳисобланган Мурод Холмуҳаммедов 11 метрли жарима зарбасини голга айлантира олмади. Унинг зарбасини «Пахтакор» посбони Элдорбек Суюнов қайтаришга муваффақ бўлди.

Шундан сўнг устунлик пахтакорчилар томонида бўлди. Улар 86-дақиқада ҳисобни очишга муваффақ бўлишди. Черан 18 метрлардан аниқ зарба билан дарвозани ишғол қилди.

Ўйиндаги тўхталишлар учун ҳакам 8 дақиқа қўшиб берди. Бу вақт давомида тўпни "Пахтакор" ўз назоратида ушлаб турди. Аммо 8-дақиқада Ларин ўз жарима майдони ичида хатога йўл қўйиб, Йосовични йиқитди. ҲакамРефери Рустам Лутфуллин иккиланиб ўтирмасдан пенальти белгилади. Иваннинг ўзи ундан самарали фойдаланиб, ҳисобни тенглаштирди.

Мазкур пенальти "Пахтакор" футболчиларидан кескин норозиликни келтириб чиқарди. Ҳакамни ҳақорат қилган Элдор Суюнов эса пенальтидан сўнг майдондан четлатилди.

Шу тариқа, Войнески жамоаси Суперлигада кетма-кет 4та ўйиндан буён дуранг қайд этмоқда. Жамоа 14 очко билан 6-ўринда бормоқда. "Қўқон-1912" эса ўз очколари 10тага етказиб олди.

Суперлига, 9-тур
"Қўқон-1912" - "Пахтакор" - 1:1 (0:1)
Голлар: Иван Йосович (90+9-пенальти) — Драган Черан (86)
Ноаниқ пенальти: Мурод Холмуҳаммедов (2, дарвозабон)
Четлатиш: Элдор Суюнов (90+9)
"Қўқон-1912": И.Абдуллаев, Лукич, Шихов, Сидиқов, Мелиев, Рустамов, Рўзиев, Мерзляков, Йосович, Тошмирзаев, Холмуҳаммедов.
Захира: М.Абдуллаев, Ваҳобов, Раҳматуллаев, Ҳасанов, Азимов, Маматхўжаев, Нурматов, Комилов, Ҳожимирзаев.
"Пахтакор": Суюнов, Алижонов, Ларин, Хаджиев, Сайфиев, Ҳамробеков, Файзуллаев, Собирхўжаев, Турғунбоев, Эркинов, Шаркич.
Захира: Қувватов, Черан, Рашидов, Розиев, Холматов, Ёқубов, Асқаров, Эргашбоев, Мираҳмадов.