Superliganing 9-turidan o‘rin olgan "Paxtakor" - "Qo‘qon-1912" jamoalari o‘rtasidagi uchrashuvdan keyin "sherlar" bosh murabbiy o‘yin haqidagi fikrlari bilan o‘rtoqlashdi.
"Shogirdlarimni tabriklayman, ular oxirigacha kurashishdi. Bor kuchlarini berishga intilishdi.
Agar shunday qilib o‘zbek futbolini rivojlantirmoqchi bo‘lishsa, hech qachon bunday bo‘lmaydi. Raqib jamoa ikkala taymda ham maydonga yotib olaverdi, vaqt cho‘zildi. Birinchi va oxirgi daqiqalarda darvozamizga penalti qo‘yildi. Hakamlarni muhokama qilish mening ishim emas, lekin... Penalti qo‘yish mumkindir, ammo bunday tarzda emas. Futbol sport turi deb oladigan bo‘lsak, bugun ko‘rgan narsa bu futbol emas. Bunday futbolni ko‘rishni hech qachon xohlamagan bo‘lardim. Shunga qaramay jamoamiz harakat qildi, to‘p uzatishlar, hujum qilishga intildik.
Nima uchun yuta olmayotganimizning sababi? Bugungi o‘yinni ko‘rgan bo‘lsangiz javobni oldingiz. Alohida to‘xtalish shart emas. Bugun yaxshiyam havo biroz iliq bo‘ldi. Agar 35 va undan yuqori darajali issiqlik bo‘lganida nima bo‘lardi? Bu faqat "Paxtakor" uchun emas, maydondagi 22 futbolchiga nisbatan juda noto‘g‘ri qaror bo‘ldi" - dedi Voyneski.
