O‘zbekiston o‘smirlar terma jamoasi (U16) Dushanbedagi CAFA U-16 turnirida o‘zining uchinchi o‘yinini o‘tkazdi. Jamoliddin Rahmatullayev shogirdlariga bu safar tojikistonlik o‘smirlar raqiblik qilishdi.

Vatandoshlarimiz birinchi bo‘lim tugashiga 13-daqiqasida hisobni ochishdi. Chiroyli kombinasiya natijasida hujumchimiz raqib posboni bilan yakkama-yakka vaziyatga chiqib ketdi va darvozani ishg‘ol qildi.

Ikkinchi bo‘lim boshida esa o‘zbekistonliklar jarima zarbasini tepishdi. Tojikistonlik posbon to‘pni qo‘lidan chiqarib yuborganidan foydalangan vakillarimiz farqni ikkitaga oshirishdi. Ushbu hisob, o‘yin oxirigacha o‘zgarmay qoldi.

Eslatib o‘tamiz, O‘zbekiston o‘smirlar jamoasi 1-turda Eron bilan 2:2 hisobida durang o‘ynagan bo‘lsa, 2-turda Afg‘onistonni 6:0 hisobida mag‘lubiyatga uchratgandi. Jamoamiz keyingi bahsni 20 may kuni Qirg‘izistonga qarshi o‘tkazadi.

CAFA U-16 musobaqa, 3-tur
O‘zbekiston - Tojikiston - 2:0 (1:0)