Ўзбекистон ўсмирлар терма жамоаси (U16) Душанбедаги CAFA U-16 турнирида ўзининг учинчи ўйинини ўтказди. Жамолиддин Раҳматуллаев шогирдларига бу сафар тожикистонлик ўсмирлар рақиблик қилишди.

Ватандошларимиз биринчи бўлим тугашига 13-дақиқасида ҳисобни очишди. Чиройли комбинация натижасида ҳужумчимиз рақиб посбони билан яккама-якка вазиятга чиқиб кетди ва дарвозани ишғол қилди.

Иккинчи бўлим бошида эса ўзбекистонликлар жарима зарбасини тепишди. Тожикистонлик посбон тўпни қўлидан чиқариб юборганидан фойдаланган вакилларимиз фарқни иккитага оширишди. Ушбу ҳисоб, ўйин охиригача ўзгармай қолди.

Эслатиб ўтамиз, Ўзбекистон ўсмирлар жамоаси 1-турда Эрон билан 2:2 ҳисобида дуранг ўйнаган бўлса, 2-турда Афғонистонни 6:0 ҳисобида мағлубиятга учратганди. Жамоамиз кейинги баҳсни 20 май куни Қирғизистонга қарши ўтказади.

CAFA U-16 мусобақа, 3-тур
Ўзбекистон - Тожикистон - 2:0 (1:0)