Turkiyada boks bo‘yicha ayollar o‘rtasida jahon chempionatiga yo‘l olgan eng og‘ir vazndagi (81+ kg.) sportchimiz Mohira Abdullayeva bugun yarim final jangini bugun o‘tkazdi. Unga marokashlik Xayja Mardi raqiblik qildi.

Hamyurtimiz qarshi hujum taktikasini tanlab, raqibga nisbatan chaqqonroq harakat qilgan holda, bir nechta zarbalar berdi. Birinchi bo‘limning yarmidan ko‘prog‘i ortda qolgan paytda vatandoshimiz jarohat oldi. Raqib esa jarohat olgan Mohiraga zarbalar berdi va nokdaun qayd etildi.

Shifokor Abdullayevaga tibbiy yordam ko‘rsatgach, hamyurtimiz jangni davom ettirmoqchi bo‘ldi. Ammo hakam jangni muddatidan avval yakunlab, Mardiga g‘alabani taqdim etdi.

Shu tariqa, boks bo‘yicha ayollar terma jamoasi Jahon chempionatini 2ta bronza medali bilanya yakunlaydigan bo‘ldi.