Frankfurtning “Ayntraxt” klubi darvozaboni Kevin Trapp jamoasining Yevropa ligasi finalidagi g‘alabasidan fikrlari bilan o‘rtoqlashdi.
Trappning aytishicha, u aql bovar qilmaydigan his-tuyg‘ularni boshdan kechirmoqda va sodir bo‘lgan voqeadan keyin hamon nafas ololmayotganini bildirdi. Darvozabonning qayd etishicha, bu nafaqat futbolchilar va murabbiylar, balki butun Frankfurtliklar uchun ajoyib voqea. Kevinning qo‘shimcha qilishicha, u o‘zini uchrashuvning bosh qahramoni deb hisoblamaydi, chunki butun jamoa o‘zini yaxshi ko‘rsatdi.
Eslatib o‘tamiz, “Ayntraxt” futbolchilari Yevropa ligasi finalida “Reynjers” jamoasini penaltilar seriyasida mag‘lub etishga muvaffaq bo‘lgandi.
