Londonning “Chelsi” klubini yangi egalariga sotish jarayoni shu yakshanba kuniyoq yakunlanishi mumkin. Jurnalist Saymon Fillipsning so‘zlariga ko‘ra, biznesmen Todd Beyli boshchiligidagi konsorsium yakshanba kuni klubni sotib olish haqida e’lon qilish uchun faol ishlamoqda.
Eslatib o‘tamiz, Britaniya hukumati bilan kelishuvga ko‘ra, "Chelsi"ning futbol faoliyatini amalga oshirish uchun lisenziyasi may oyining oxirigacha hisoblangan.
Avvalroq, Roman Abramovich go‘yoki uchinchi shaxs hisobiga mablag‘ qabul qilishdan bosh tortgani uchun "Chelsi"ni sotish jarayonida qiyinchiliklar yuzaga kelgani xabar qilingandi. Hozirda kelishuv yakunlanish arafasida, chunki klub Premyer-liga rahbariyatidan yangi xo‘jayinlarning roziligini olgan.
