37 yoshli sloveniyalik darvozabon Samir Xandanovich 2021/2022-yilgi mavsum yakunida “Inter”ni tark etishga yaqin turibdi.
Calciomercato nashriga ma’lum bo‘lishicha, tajribali darvozabon «neradzurrilar» bilan yangi shartnoma imzolashdan bosh tortgan.
Shu tariqa, Genuyaning "Sampdoriya" jamoasiga qarshi bo‘lib o‘tadigan o‘yin uning uchun milanliklar libosidagi oxirgisi bo‘ladi.
Xandanovich 2012 yilning yozidan beri “Inter”da o‘ynab kelmoqda. Uning klub bilan shartnomasi kelasi oy oxirida tugaydi.
A Seriyadagi joriy mavsumda sloveniyalik 36 ta o‘yin o‘tkazgan bo‘lsa, shulardan 15 tasida o‘z darvozasi daxlsizligini saqlab qolgan.
