37 ёшли словениялик дарвозабон Самир Ханданович 2021/2022-йилги мавсум якунида “Интер”ни тарк этишга яқин турибди.
Calciomercato нашрига маълум бўлишича, тажрибали дарвозабон «нерадзуррилар» билан янги шартнома имзолашдан бош тортган.
Шу тариқа, Генуянинг "Сампдория" жамоасига қарши бўлиб ўтадиган ўйин унинг учун миланликлар либосидаги охиргиси бўлади.
Ханданович 2012 йилнинг ёзидан бери “Интер”да ўйнаб келмоқда. Унинг клуб билан шартномаси келаси ой охирида тугайди.
А Сериядаги жорий мавсумда словениялик 36 та ўйин ўтказган бўлса, шулардан 15 тасида ўз дарвозаси дахлсизлигини сақлаб қолган.
