"Napoli" himoyachisi Amir Rrahmani jamoasining joriy mavsumdagi natijalari haqida fikr bildirdi. Kosovalik skudetto uchun kurashda neapolliklarga omad kulib boqmaganini, yaqin vaqtgacha Luchano Spaletti shogirdlari «Milan» va «Inter» bilan kuch sinashganini ta’kidladi.
“Skudetto uchun kurashda omadimiz kelmadi. Biroz omad bo‘lganida, biz yaxshiroq harakat qilishimiz mumkin edi.
Qaniydi, ba’zi o‘yinlarda vaziyat boshqacha bo‘lganida edi! O‘z faoliyatida hali milliy chempionatda g‘alaba qozonmagan o‘yinchi sifatida skudettoni qo‘lga kiritishni juda ham xohlagandim», - deya futbolchining so‘zlarini keltiradi Calciomercato.
