“Liverpul” hujumchisi Divok Origi faoliyatini Italiyada davom ettirishi mumkin. The Athletic xabariga ko‘ra, "Milan" 27 yoshli belgiyalik futbolchi bilan shartnoma borasida kelishib olgan.

Futbolchi 2021/22 yilgi mavsum oxirida erkin agent sifatida A Seriyaga klubiga o‘tadi. Hujumchining o‘zi allaqachon "Liverpul" rahbariyatiga jamoani tark etishni istayotganini aytgan.

Origi joriy mavsumda 17 ta o‘yinda maydonga tushib, 6 ta gol urdi va 4 ta golli uzatmani amalga oshirdi. Amaldagi shartnoma 2022 yilning iyunigacha mo‘ljallangan.