Londonning “Chelsi” klubi mavsum yakunini omadsiz o‘tkazmoqda. 37-tur uchrashuvida “ko‘klar” “Lester”ga qarshi bahsda g‘alaba qozona olmay, yana ochko yo‘qotishdi. Uchrashuv 1:1 hisobida durang bilan yakunlandi.
So‘nggi uch hafta ichida Tomas Tuxel shogirdlari oltita o‘yin o‘tkazdi va faqat bitta g‘alaba qozonishga muvaffaq bo‘ldi. Oxirgi marta "Chelsi" "Lids"ni mag‘lub etdi. Uchta uchrashuvda durang qayd etilgan bo‘lsa, ikki uchrashuvda londonliklar mag‘lub bo‘lishdi.
“Chelsi” APLning so‘nggi turida “Uotford”ga qarshi bahs olib boradi. Jang 22 may kuni "Stemford Brij"da bo‘lib o‘tadi.
