Лондоннинг “Челси” клуби мавсум якунини омадсиз ўтказмоқда. 37-тур учрашувида “кўклар” “Лестер”га қарши баҳсда ғалаба қозона олмай, яна очко йўқотишди. Учрашув 1:1 ҳисобида дуранг билан якунланди.
Сўнгги уч ҳафта ичида Томас Тухель шогирдлари олтита ўйин ўтказди ва фақат битта ғалаба қозонишга муваффақ бўлди. Охирги марта "Челси" "Лидс"ни мағлуб этди. Учта учрашувда дуранг қайд этилган бўлса, икки учрашувда лондонликлар мағлуб бўлишди.
“Челси” АПЛнинг сўнгги турида “Уотфорд”га қарши баҳс олиб боради. Жанг 22 май куни "Стэмфорд Бриж"да бўлиб ўтади.
