"Sevilya" prezidenti Xose Kastro klub stadioni haqidagi tanqidlarga javob qaytardi. Avvalroq Frankfurtning «Ayntraxt» klubi rahbari Piter Fisher «Sanches Pisxuan»ni «Mikki Maus stadioni» deb atagandi.
Nemis klubi prezidenti Yevropa ligasi finali oldidan Ispaniya stadionining sig‘imi kichikligidan hafsalasi pir bo‘lgan va bu haqda salbiy fikr bildirgan.
"O‘zi ta’kidlaganidek "Mikki Maus stadioni"ning direktorlar lojasi markazida oltita Yevropa Ligasi kubogi bor. Bunga tenglashish uchun “Ayntraxt” yana to‘rtta Kubokni qo‘lga kiritishi kerak”, — deb javob berdi Kastro final o‘yinidan keyin.
Biroq u o‘z javobining ohangini darhol yumshatib, "Ayntraxt" prezidenti bu so‘zlarni yaqinlashib kelayotgan final bosimi ostida aytganiga umid bildirdi.
