Milanning “Inter” klubi bosh murabbiyi Simone Indzagi jamoa yarim himoyachisi Ivan Perishichning shartnomasi tugashi bilan bog‘liq vaziyatga yana bir bor izoh berdi. Murabbiy xorvatiyalik futbolchini o‘z jamoasida olib qolishni istashini ta’kidladi.
“Men Perishich qolishini istayman. Yaqin kunlarda uning agentlari bilan uchrashuv rejalashtirilgan va umid qilamanki, yaqin orada kelishuvga erishiladi” - dedi Indzagi matbuot anjumanida.
Fabrisio Romano tarqatgan ma’lumotiga qaraganda, Perishichning agentlari va "Inter" rahbariyati o‘rtasida tez orada yana bir uchrashuv bo‘lib o‘tadi. Ushbu uchrashuv keyingi haftaga rejalashtirilgan.
Eslatib o‘tamiz, Perishich xizmatlariga Londonning "Chelsi" klubi ham qiziqish bildirayotgan edi.
