Миланнинг “Интер” клуби бош мураббийи Симоне Индзаги жамоа ярим ҳимоячиси Иван Перишичнинг шартномаси тугаши билан боғлиқ вазиятга яна бир бор изоҳ берди. Мураббий хорватиялик футболчини ўз жамоасида олиб қолишни исташини таъкидлади.

“Мен Перишич қолишини истайман. Яқин кунларда унинг агентлари билан учрашув режалаштирилган ва умид қиламанки, яқин орада келишувга эришилади” - деди Индзаги матбуот анжуманида.

Фабрицио Романо тарқатган маълумотига қараганда, Перишичнинг агентлари ва "Интер" раҳбарияти ўртасида тез орада яна бир учрашув бўлиб ўтади. Ушбу учрашув кейинги ҳафтага режалаштирилган.

Эслатиб ўтамиз, Перишич хизматларига Лондоннинг "Челси" клуби ҳам қизиқиш билдираётган эди.