Karim Benzema kecha Instagram storisiga noodatiy surat joylashtirdi. Unda marhum reper Tupak Shakur va unga xiyonat qilgan do‘sti Stretch tasvirlangan. Mbappe voqealari fonida bu surat keng muhokamalarga sabab bo‘lmoqda.
Voqea haqida
1994-yilda Tupak Shakur va uning do‘stlari Nyu-Yorkda to‘planadi va Quad Recording studiyasiga borishni reja qiladi. U yerda Biggi va Shon Kombs bor edi. Studiyaga chiqish vaqtida Tupak va uning do‘stlariga hujum qilinadi, natijada u beshta joyida o‘q yeydi. Tupak bu voqeada Biggi va Bad Boy Record’ni ayblaydi. Shundan keyin ikki sohil reperlari va aholisi o‘rtasidagi qarama-qarshiliklar avj oladi.
Bu hodisaning uyushtirilishida Tupak o‘z jamoasi a’zosi Stretchni ayblaydi. Biroq yetarli dalillar bo‘lmagani bois u qamoqdan qutulib qoladi. 1995-yilda Stretch otib o‘ldiriladi, bir yil o‘tib esa Tupak ham qurolli hujum qurboniga aylanadi.
Ushbu suratda Tupakning ortida o‘sha sotqin do‘sti Stretchni ko‘rish mumkin. Bu va “Real”ning boshqa futbolchilari e’lon qilayotgan postlarni ko‘rib, klubdagilar haqiqatda Mbappening qilmishini og‘ir qabul qilganini anglash mumkin.