"Arsenal" misrlik yarim himoyachi Muhammad El-Nenini o‘z safida saqlab qolmoqchi. Bunday ma’lumotni insayder Nikolo Skira ijtimoiy tarmoqlari orqali baham ko‘rdi.
Yaqin vaqt ichida "kanonirlar" futbolchi bilan 2023 yilning yoziga qadar yangi shartnomasi tuzadi. Shartnomada hamkorlikni bir mavsumga uzaytirish mumkin bo‘lgan band bo‘ladi.
El-Neni 2016 yildan beri London jamoasining sharafini himoya qilib keladi. 2021/2022 yilgi mavsumda misrlik futbolchi Premyer-liganing 17 ta uchrashuvida qatnashib, 2 ta golli uzatmani amalga oshirgan.
Mavsum yakuniga ko‘ra, "Arsenal" APL turnir jadvalida beshinchi o‘rinni egalladi.













