"Арсенал" мисрлик ярим ҳимоячи Муҳаммад Эл-Ненини ўз сафида сақлаб қолмоқчи. Бундай маълумотни инсайдер Николо Скира ижтимоий тармоқлари орқали баҳам кўрди.
Яқин вақт ичида "канонирлар" футболчи билан 2023 йилнинг ёзига қадар янги шартномаси тузади. Шартномада ҳамкорликни бир мавсумга узайтириш мумкин бўлган банд бўлади.
Эл-Нени 2016 йилдан бери Лондон жамоасининг шарафини ҳимоя қилиб келади. 2021/2022 йилги мавсумда мисрлик футболчи Премьер-лиганинг 17 та учрашувида қатнашиб, 2 та голли узатмани амалга оширган.
Мавсум якунига кўра, "Арсенал" АПЛ турнир жадвалида бешинчи ўринни эгаллади.













