“Vest Hem” hujumchisi Jarrod Bouen Angliya terma jamoasiga ilk bor chaqiruv oldi. Futbolchi iyun oyida bo‘lib o‘tadigan Millatlar ligasi o‘yinlarida "uch sherlar" safida debyut qilishi mumkin.
Bouendan tashqari markazda ham, o‘ng qanotda ham o‘ynashga qodir bo‘lgan "Lester" himoyachisi Jeyms Jastin ham Angliyaning katta jamoasiga ilk chaqiruvini oldi.
Eslatib o‘tamiz, Bouen joriy mavsum Angliya Premyer-ligasida 12 ta gol urdi va 10 ta golli uzatmani amalga oshirdi.