"Atletiko Madrid"ning ikki o‘yinchisi, himoyachi Renan Lodi va vinger Yannik Ferreyra Karrasko Angliyaning "Nyukasl" klubi qiziqishlari doirasida bo‘lib turibdi. Bu haqda Marca xabar bermoqda.

Manbaga ko‘ra, ingliz klubi braziliyalik himoyachi uchun 40 million yevro taklif qilmoqchi. Qayd etilishicha, Renan Lodi xizmatlariga Turinning “Yuventus” klubi ham qiziqish bildirmoqda.

"Atletiko Madrid" bosh murabbiyi Diyego Simeone Ferreyra Karraskoning jamoadan ketishiga qarshi.

Belgiyalik futbolchi Madrid klubida qolish niyati borligini aytdi, biroq uning yangi agenti mijozi uchun unga ko‘proq maosh to‘lashi mumkin bo‘lgan klub qidirayotgani aytilmoqda.

Renan Lodi joriy mavsumda “Atletiko” safida barcha turnirlar doirasida 42 ta o‘yinda maydonga tushib, 4 ta gol urdi va 5 ta golli uzatmani amalga oshirdi.

Yannik Ferreyra Karrasko joriy mavsumda “matraschilar” safida 44 ta o‘yinda maydonga tushib, 6 ta gol urdi va 7 ta golli uzatmani amalga oshirdi.