"Manchester Yunayted" himoyasini "Ayaks" markaziy himoyachisi Yurriyen Timber bilan kuchaytirishni rejalashtirmoqda.
Klub rahbariyati "Yunayted"ning yangi bosh murabbiyi, "Ayaks"da Timber bilan birga ishlagan Erik ten Xagning iltimosiga ko‘ra, 20 yoshli futbolchining transferini tashkil qilmoqchi. The Sun nashrining yozishicha, kelishuv allaqachon muvaffaqiyatli yakunlanish arafasida. Transfer narxi taxminan 35 million yevroni tashkil qiladi.
Yurriyen Timber yakunlangan mavsumda "Ayaks" tarkibida 42 o‘yin o‘tkazib, Niderlandiya chempioniga aylandi.