"Milan" o‘n bir yillik kutishdan so‘ng Skudettoni qo‘lga kiritib, ajoyib uslubda A Seriya chempionligini qaytarib oldi. O‘zining pragmatik natijaga erishish uslubi bilan mashhur bo‘lgan klubning sobiq bosh murabbiyi Fabio Kapello Chempionlar ligasida muvaffaqiyat qozonish uchun nima qilish kerakligi haqida gapirdi.
"Ko‘chalarda minglab odamlar bilan bunday bayramlarni hech qachon ko‘rmaganman. Bunday mavsumdan keyin bu tabiiydir. "Milan" ajoyib asos yaratdi, men kamolotga erishgan va muvaffaqiyatga chanqoq jamoani ko‘rmoqdaman.
Yevropada, albatta, hamma narsa qiyinroq bo‘ladi. Gap shundaki, bu kelajakka, ertangi kunga e’tibor qaratgan "Milan". Chempionlar ligasida esa bugun o‘ynash kerak. Yoki boshqacha aytganda, bizga o‘rganadigan futbolchilar emas, Chempionlar Ligasi tajribasiga ega futbolchilar kerak. Ammo agar rahbariyat malakali xaridlarni amalga oshirsa, u yerda "Milan"ning tarkibi ham o‘zgarib ketishi mumkin", deydi Kapello.
