"Chelsi" "Yuventus" markaziy himoyachisi Matteys de Ligtni sotib olmoqchi.
London klubi Antonio Ryudiger va Andreas Kristensenning ketishi tufayli himoya markazini kuchaytirishi kerak. Calcio nashri xabariga ko‘ra, "ko‘klar" bosh murabbiyi Tomas Tuxelning transfer bozoridagi birinchi tanlovi - Matteys de Ligt.
Yaqinda xabar qilinganidek, 22 yoshli futbolchi "Yuventus" bilan shartnomasini uzaytirish bo‘yicha muzokaralar olib bormoqda, biroq hali kelishuvga erishilmagan. De Ligtning turinliklar bilan amaldagi shartnomasi ikki yildan keyin tugaydi.
Niderlandiya terma jamoasi futbolchisi bu mavsumda “keksa sinyora” safida 42 ta o‘yin o‘tkazib, 3 ta gol muallifiga aylandi.