"Челси" "Ювентус" марказий ҳимоячиси Маттейс де Лигтни сотиб олмоқчи.
Лондон клуби Антонио Рюдигер ва Андреас Кристенсеннинг кетиши туфайли ҳимоя марказини кучайтириши керак. Calcio нашри хабарига кўра, "кўклар" бош мураббийи Томас Тухелнинг трансфер бозоридаги биринчи танлови - Маттейс де Лигт.
Яқинда хабар қилинганидек, 22 ёшли футболчи "Ювентус" билан шартномасини узайтириш бўйича музокаралар олиб бормоқда, бироқ ҳали келишувга эришилмаган. Де Лигтнинг туринликлар билан амалдаги шартномаси икки йилдан кейин тугайди.
Нидерландия терма жамоаси футболчиси бу мавсумда “кекса синьора” сафида 42 та ўйин ўтказиб, 3 та гол муаллифига айланди.