“Arsenal” hujumchisi Eddi Nketiaga “Lion” va “Marsel”dan taklif oldi.

Hujumchining "kanonirlar" bilan amaldagi shartnomasi kelasi oy yakuniga etadi va futbolchi istalgan klubga tekinga o‘tishi mumkin.

Oldinroq Nketia o‘tgan mavsumda o‘ynay olmagani uchun "Arsenal"ni tark etishni rejalashtirayotganini aytgan edi, biroq so‘nggi ma’lumotlarga ko‘ra, futbolchi baribir London klubi bilan shartnomani uzaytirishga qaror qilgan.

Joriy mavsumda futbolchi APLda 21 ta o‘yin o‘tkazib, 5 ta gol urdi va 1 ta golli uzatmani amalga oshirdi.