Bugun futzal bo‘yicha Osiyo chempionatining final bosqichiga qur’a tashlash marosimi bo‘lib o‘tdi. Tadbirni OFK musobaqalarni o‘tkazish departamenti direktori Avaz Berdiqulov o‘tkazdi.
Qur’a natijasida O‘zbekiston terma jamoasi "B" guruhidan o‘rin oldi. Ushbu guruhda bizga Bahrayn, Tojikiston va Turkmaniston raqiblik qilishadi. Mazkur guruhda dastlabki 2ta o‘rinni egallagan jamoalar chorak finalda "A" guruhi vakillari bilan to‘qnash kelishadi. "A" guruhidan esa mezbon Kuvayt, shuningdek, Iroq, Tailand va Ummon terma jamoalari o‘rin olishgan. Demak, terma jamoamiz yarim finalga qadar qit’aning kuchli jamoalari hisoblangan Yaponiya va Eron bilan to‘qnash kelishmaydi.
Osiyo chempionati 2022 yilning 25 sentyabridan 20 oktyabriga qadar muddatda Kuvayt mamlakatida bo‘lib o‘tadi. Ushbu musobaqa Jahon chempionatiga yo‘llanma beruvchi hisoblanmaydi.
Futzal bo‘yicha Osiyo chempionati final bosqichi uchun tashlangan qur’a natijasi
"A" GURUHI
1. Kuvayt
2. Iroq
3. Tailand
4. Ummon
"B" GURUHI
1. O‘zbekiston
2. Bahrayn
3. Tojikiston
4. Turkmaniston
"C" GURUHI
1. Eron
2. Livan
3. Xitoy Taypeyi
4. Indoneziya
"D" GURUHI
1. Yaponiya
2. Vyetnam
3. Janubiy Koreya
4. Saudiya Arabistoni
