Бугун футзал бўйича Осиё чемпионатининг финал босқичига қуръа ташлаш маросими бўлиб ўтди. Тадбирни ОФК мусобақаларни ўтказиш департаменти директори Аваз Бердиқулов ўтказди.

Қуръа натижасида Ўзбекистон терма жамоаси "B" гуруҳидан ўрин олди. Ушбу гуруҳда бизга Баҳрайн, Тожикистон ва Туркманистон рақиблик қилишади. Мазкур гуруҳда дастлабки 2та ўринни эгаллаган жамоалар чорак финалда "А" гуруҳи вакиллари билан тўқнаш келишади. "А" гуруҳидан эса мезбон Кувайт, шунингдек, Ироқ, Таиланд ва Уммон терма жамоалари ўрин олишган. Демак, терма жамоамиз ярим финалга қадар қитъанинг кучли жамоалари ҳисобланган Япония ва Эрон билан тўқнаш келишмайди.

Осиё чемпионати 2022 йилнинг 25 сентябридан 20 октябрига қадар муддатда Кувайт мамлакатида бўлиб ўтади. Ушбу мусобақа Жаҳон чемпионатига йўлланма берувчи ҳисобланмайди.

Футзал бўйича Осиё чемпионати финал босқичи учун ташланган қуръа натижаси

"А" ГУРУҲИ
1. Кувайт
2. Ироқ
3. Таиланд
4. Уммон

"B" ГУРУҲИ
1. Ўзбекистон
2. Баҳрайн
3. Тожикистон
4. Туркманистон

"C" ГУРУҲИ
1. Эрон
2. Ливан
3. Хитой Тайпейи
4. Индонезия

"D" ГУРУҲИ
1. Япония
2. Вьетнам
3. Жанубий Корея
4. Саудия Арабистони