Chernogoriyalik hujumchi Oliver Sharkich "Paxtakor" safida O‘zbekiston chempionatida to‘p kiritgan 25-chet ellik o‘yinchiga aylandi.

Endilikda "Paxtakor" safida gol urgan xorijlik futbolchilar soni 25 nafarga yetdi. Ular 14 mamlakat fuqarolari sanaladi. Eng ko‘p to‘p kiritgan xorijlik o‘yinchilar Chernogoriya va Serbiyadan hisoblanadi. Shuningdek, uch nafar Braziliya fuqarolari "Paxtakor" uchun O‘zbekiston chempionatida to‘p kiritishga erishgan.

Eng ko‘p gol ayni paytda jamoa sharafini himoya qilayotgan Dragan Cheran hisobiga yozilgan. U 68ta to‘p muallifiga aylangan. Ixeruome Uche hisobida 30 gol mavjud. Gochguli Gochguliyev, Kaxi Maxaradze va Tiago Bezerra 20tadan ortiq gol urishgan.

Dragan Cheran (Serbiya) — 68
Ixeruome Uche (Nigeriya) — 30
Gochguli Gochguliyev (Turkmaniston) — 26
Kaxi Maxaradze (Gruziya) — 23
Tiago Bezerra (Braziliya) — 21
Ismael Gonsalvesh (Portugaliya) — 16
Boyan Miladinovich (Serbiya) — 13
Eren Derdiyok (Shveysariya) — 12
Dushan Savich (Makedoniya) — 7
Marko Simich (Chernogoriya) — 7
Aleksandr Kroxmal (Turkmaniston) — 6
Adnan Oraxovas (Chernogoriya) — 6
Darko Markovich (Chernogoriya) — 5
Fabiano Anderson (Braziliya) — 4
Oliver Sharkich (Chernogoriya/Belgiya) — 3
Oleg Zenchenkov (Ukraina) — 3
Jora Oganesyan (Armaniston) — 3
Asilbek Momunov (Qirg‘iziston) — 2
Vladislav Lyutiy (Ukraina) — 2
Irakli Klimiashvili (Gruziya) — 2
Boyan Matich (Serbiya) — 2
Fabio Pintu (Braziliya) — 1
Milorad Yanush (Serbiya) — 1
Sanibal Oraxovas (Chernogoriya) — 1
Gidi Kanyuk (Isroil) — 1