«Monako» o‘z yarim himoyachisi Orelyen Tchuameni bilan 80 million yevrodan pastroq narxda xayrlashmoqchi emas.
Jurnalist Fabrisio Romanoning so‘zlariga ko‘ra, hozircha fransiyalik futbolchiga da’vogarlarning hech biri yetakchi o‘rinda emas.
Qayd etilishicha, Tchuamenining o‘zi ham jamoadoshlariga «Real»ga o‘tish istagi haqida aytgan, biroq ayni paytda «qaymoqranglilar» haligacha «Monako» bilan futbolchining 80 million yevrodan kam bo‘lmagan transfer narxi borasida kelisha olmagan. .
Avvalroq, Tchuameni «Real Madrid»ning ushbu mavsum oralig‘idagi asosiy transfer maqsadi bo‘lishi haqida xabar berilgandi.
