“Chelsi” hujumchisi Romelu Lukaku yozda Italiyaga qaytishni istamoqda. Corriere dello Sport nashri xabariga ko‘ra, Lukakuning agenti Federiko Pastorello ushbu transfer oynasida mijozini Italiyaga qaytarish uchun bor kuchini sarflaydi. 

Belgiyalik futbolchining transfer narxi yuqori bo‘lganligi sababli, yozda A seriya klublaridan biri uni sotib olish ehtimoli kam, chunki hozirda ko‘plab klublar moliyaviy muammolar girdobida. Shu bilan birga, Lukaku "Inter"ga ijara asosida qaytishi ham istisno qilinmayapti.

Eslatib o‘tamiz, o‘tgan yozda Lukaku 110 million yevro evaziga "Chelsi"ga o‘tgan edi.