“Челси” ҳужумчиси Ромелу Лукаку ёзда Италияга қайтишни истамоқда. Corriere dello Sport нашри хабарига кўра, Лукакунинг агенти Федерико Пасторелло ушбу трансфер ойнасида мижозини Италияга қайтариш учун бор кучини сарфлайди.
Бельгиялик футболчининг трансфер нархи юқори бўлганлиги сабабли, ёзда А серия клубларидан бири уни сотиб олиш эҳтимоли кам, чунки ҳозирда кўплаб клублар молиявий муаммолар гирдобида. Шу билан бирга, Лукаку "Интер"га ижара асосида қайтиши ҳам истисно қилинмаяпти.
Эслатиб ўтамиз, ўтган ёзда Лукаку 110 миллион евро эвазига "Челси"га ўтган эди.