"Manchester Yunayted"ning sobiq himoyachisi, hozirda Sky Sports nashrida ekspert sifatida ishlaydigan Gari Nevill "Brentford" yarim himoyachisi Kristian Eriksen Angliya chempionatining kuchli 6taligidagi istalgan jamoada o‘ynashga qodir, degan fikr bildirdi.
"Eriksen "Liverpul" yoki "Manchester Siti"da o‘ynashga qodir. Ishonchim komilki, u top-6 kluboarining hech birida yo‘qolib qolmaydi", - deya "Manchester Yunayted" sobiq futbolchisining so‘zlarini keltiradi Liverpool Echo.
Eslatib o‘tamiz, Eriksenning "Brentford" bilan shartnomasi bir oydan keyin tugaydi. Daniyalikning xizmatlariga "Tottenxem" va "Manchester Yunayted" qiziqish bildirmoqda, ammo uning "Brentford"da qolish ehtimoli katta.