"Manchester Yunayted" hujumchisi Edinson Kavani Italiyaning "Salernitana" jamoasiga o‘tmaydi. Bu haqda Italiya klubi sport direktori Valter Sabatini ma’lum qildi.
“Muxlislarimizni aldamoqchi emasman. Kavaniga erishib bo‘lmaydi, uning maoshi juda yuqori», - dedi Sabatini La Repubblica bilan suhbatda.
Shuningdek, klub sport direktori 39 yoshli yarim himoyachi Frank Riberi o‘tgan mavsum yakunida Italiya A seriyasida qolish uchun imkoniyatni saqlab qola olgan va turnir jadvalida 17-o‘rinni egallagan "Salernitana"da qolishni istashini ham ta’kidladi.
O‘tgan mavsumda 35 yoshli Kavani "mankunianliklar" safida 20 ta o‘yinda maydonga tushib, 2 ta gol urdi va bitta golli uzatmani amalga oshirdi.