"Манчестер Юнайтед" ҳужумчиси Эдинсон Кавани Италиянинг "Салернитана" жамоасига ўтмайди. Бу ҳақда Италия клуби спорт директори Вальтер Сабатини маълум қилди.
“Мухлисларимизни алдамоқчи эмасман. Каванига эришиб бўлмайди, унинг маоши жуда юқори», - деди Сабатини La Repubblica билан суҳбатда.
Шунингдек, клуб спорт директори 39 ёшли ярим ҳимоячи Франк Рибери ўтган мавсум якунида Италия А сериясида қолиш учун имкониятни сақлаб қола олган ва турнир жадвалида 17-ўринни эгаллаган "Салернитана"да қолишни исташини ҳам таъкидлади.
Ўтган мавсумда 35 ёшли Кавани "манкунианликлар" сафида 20 та ўйинда майдонга тушиб, 2 та гол урди ва битта голли узатмани амалга оширди.