"Yuventus" yarim himoyachisi Aaron Remzi jamoani tark etishi mumkin, deya xabar beradi jurnalist Nikolo Skira.
Manbaning xabariga ko‘ra, turinliklar 31 yoshli uelslik futbolchi bilan 2023 yilning yoziga qadar mo‘ljallangan shartnomani muddatidan oldin bekor qilishni ko‘rib chiqmoqda. Yarim himoyachi yiliga 7 million yevrolik maoshi bunga sabab qilib ko‘rsatilgan.
2022 yilning qishida Remzi “Reynjers”ga ijaraga berilgandi.
Yarim himoyachi Shotlandiya klubi safida 13 ta o‘yin o‘tkazib, 2 ta gol urdi va 2 ta golli uzatmani amalga oshirdi.
