Madridning “Real” klubi yarim himoyachisi Toni Kroosning fikricha, “Liverpul” Kiyevdagi Chempionlar ligasi finalidan keyin kuchliroq jamoaga aylangan. Futbolchi Klopp shogirdlari so‘nggi mavsumlarda yaxshi o‘yin ko‘rsatayotganini e’tirof etdi.
“To‘g‘risini aytsam, “Liverpul” hozir 2018 yildagiga qaraganda ancha kuchliroq jamoa deb o‘ylayman. Ular o‘zlarining asosiy o‘yinchilarini tarkibda saqlab qolishga erishdi va boshqa o‘yinchilar bilan yanada kuchaydi. Yarim himoyada Tiago Alkantara o‘yinini alohida aytib o‘tish kerak. Umuman olganda, ular yaxshi jamoa", - deya Kroosning so‘zlarini keltirmoqda Daily Mirror.
Eslatib o‘tamiz, bundan 4 yil avval "Real Madrid" Chempionlar ligasi finalida "Liverpul"ni 3:1 hisobida mag‘lub etgandi.













