Мадриднинг “Реал” клуби ярим ҳимоячиси Тони Крооснинг фикрича, “Ливерпуль” Киевдаги Чемпионлар лигаси финалидан кейин кучлироқ жамоага айланган. Футболчи Клопп шогирдлари сўнгги мавсумларда яхши ўйин кўрсатаётганини эътироф этди.
“Тўғрисини айтсам, “Ливерпуль” ҳозир 2018 йилдагига қараганда анча кучлироқ жамоа деб ўйлайман. Улар ўзларининг асосий ўйинчиларини таркибда сақлаб қолишга эришди ва бошқа ўйинчилар билан янада кучайди. Ярим ҳимояда Тиаго Алькантара ўйинини алоҳида айтиб ўтиш керак. Умуман олганда, улар яхши жамоа", - дея Крооснинг сўзларини келтирмоқда Daily Mirror.
Эслатиб ўтамиз, бундан 4 йил аввал "Реал Мадрид" Чемпионлар лигаси финалида "Ливерпуль"ни 3:1 ҳисобида мағлуб этганди.