Madridning «Real» klubi yarim himoyachisi Eduardo Kamavinga Chempionlar ligasi finalida o‘ynashdan faxrlanishini aytdi.
Kamavinga Goal nashriga Angolada qochqinlar oilasida tug‘ilganini aytdi. Ota-onasi unga Fransiyada yangi hayot bag‘ishladi, futbol esa unga Chempionlar ligasi finalida ishtirok etish imkoniyatini berdi.
Futbolchi bu imkoniyat uchun barchaga minnatdorchilik bildirdi, shuningdek, butun dunyo bo‘ylab qochqinlarni qo‘llab-quvvatlab, ular bilan birga ekanligini aytdi.
19 yoshli yarim himoyachi joriy mavsumda 44 ta o‘yinda maydonga tushib, barcha turnirlarda 2 ta gol urdi va 2 ta golli uzatmani amalga oshirdi.
