Мадриднинг «Реал» клуби ярим ҳимоячиси Эдуардо Камавинга Чемпионлар лигаси финалида ўйнашдан фахрланишини айтди.
Камавинга Goal нашрига Анголада қочқинлар оиласида туғилганини айтди. Ота-онаси унга Францияда янги ҳаёт бағишлади, футбол эса унга Чемпионлар лигаси финалида иштирок этиш имкониятини берди.
Футболчи бу имконият учун барчага миннатдорчилик билдирди, шунингдек, бутун дунё бўйлаб қочқинларни қўллаб-қувватлаб, улар билан бирга эканлигини айтди.
19 ёшли ярим ҳимоячи жорий мавсумда 44 та ўйинда майдонга тушиб, барча турнирларда 2 та гол урди ва 2 та голли узатмани амалга оширди.
