Madridning "Real" klubi himoyachisi Marselo kecha bo‘lib o‘tgan YECHL finalidan so‘ng jamoadan ketishini e’lon qildi.
Italiyaning Tuttosport nashri bergan ma’lumotlarga ko‘ra, "Yuventus" braziliyalik 34 yoshli futbolchini o‘z safiga qo‘shib olishga tayyor. Ular Marselo yana kamida 2 mavsum yuqori saviyada o‘yin ko‘rsatishiga ishonishmoqda.
Braziliyalik futbolchi 2007 yildan buyon "qirollik klubi" tarkibida harakat qilib kelmoqda. U "Fluminense"dan 6,5 million yevro evaziga sotib olingan.