2021/2022 yilgi mavsumda Bundesliganing eng yaxshi futbolchisiga aylangan «RB Leypsig» yarim himoyachisi Kristofer Nkunku kelajagi haqida gapirdi.

«PSJ» mening uy klubim bo‘lgan, sevimli jamoam. Men hech qanday eshikni yopmayman. Futbolda hamma narsa bo‘lishi mumkin.

Dunyoning eng yirik klublari menga qiziqish bildirayotgani quvonarli. Ammo «Leypsig» meni jamoada saqlab qolish uchun hamma narsani qilayotganini ko‘rish ham quvonarli», - deya Nkunkuning so‘zlaridan iqtibos keltiradi jurnalist Fabrisio Romano.

Nkunku liganing 34 ta o‘yinida 20 ta gol urdi va 15 ta golli uzatmani amalga oshirdi. Oldinroq «Liverpul» Nkunkuni Muhammad Salohga o‘rinbosar sifatida sotib olishni ko‘rib chiqishi mumkinligi xabar qilingandi. Nkunku «PSJ» tarbiyalanuvchisi hisoblanadi.